Sakei humhalh kawnga hmasawn zelna turin union minister for environment, forest and climate change Bhuphender Yadav chuan thawhtanni khan Chhattisgarh-a Guru Ghasidas-Tamor Pingla tiger reserve chu ramchhunga tiger reserve 56-na ni turin a puang.
He thu hi social media platform pakhatah minister chuan post in, sakei humhalh zelna kawnga India hmasawn dan a sawi a, tuna tiger reserve an puan thar chu sq. km 2,829 a zau a nih thu a sawi.
Chhattisgarh-a hawn tak tiger reserve chu ramchhunga tiger reserve len kawnga pathumna a nih thu thuchhuahah tarlan niin, heti hian an state chhungah tiger reserve pali a awm ta chiah bawk a ni.
Sorkar thuchhuaha tarlan a nih danin khawvel sakei awm zawng zawng zaa 70 hi India rama awm niin, khawvel pumah India chuan sakei humhalh kawngah hmahruaina nihna sang tak a nei mek bawk a ni.
Union environment minister in tiger reserve thar puang
Get real time updates directly on you device, subscribe now.