Union HM-in Aizawla kal hun April-ah sawn

Last updated Mar 21, 2023 8 0

Union HM-in Aizawla
kal hun April-ah sawn
Tum khat hun ruat lawk a sawn hnua March 31-a Zokhawsanga Assam Rifles hmun hawng tur nia sawi Union Home minister Amit Shah chuan April 1-ah rawn hawn ngei a tum thu a sawi leh.
New Delhi-a cham mek chief minister Zoramthanga chuan Thawhlehni khan Union Home minister Amit Shah hi a pisa-ah hmu in an inkawm a. Amit Shah hian April 1-ah Assam Rifles Battalion Headquarters Complex, Zokhawsang chu rawn hawn ngei a tum thu leh Laldenga Cultural Centre din tur lungphum pawh phum nghal a tum thu a lo hrilh.
Mizo mipui beisei leh nghahhlelh em em, sawrkar hmachhawp lian tak ni bawkin a tak ram a thleng tur chu lawmawm a tih thu chief minister hian sawiin, Union Home minister chu Amit Shah chu Zoram mipui aiawhin lawmthu a hrilh a ni.
Chief minister hian Thawhtanni zan khan DoNER minister leh Union Culture & Tourism minister ni bawk G Kishan Reddy chu zanah a chenna inah hmu in an inkawm a. Mizoram tana hmachhawp hrang hrang leh hmasawnna hnathawh mek dinhmun an sawidun.