Union Home Secretary thar atan Sikkim Cadre IAS officer Govind Mohan ruat

Senior IAS officer Govind Mohan chuan August 22, 2024 atangin Union Home Secretary nihna chelh tanin kum nga chhung he post pawimawh lo chelh tawh Ajay Kumar Bhalla chu a thlak.
Mohan hi Banaras University atanga B.Tech niin IIM, Ahmedabad atangin PG Diploma a nei bawk a. Cabinet Secretary tihchauh loha post pawimawh bera ngaih top bureaucratic post a chelh hma hian Union Culture Secretary nihna a chelh a ni.
1989 batch IAS officer Sikkim cadre niin Mohan hian Union Home Ministry chu Officer on Special Duty angin a lo zawm sa tawh a.
Sikkim leh Central Government te chu kawng hrang hrangin service lo pe tawhin tawnhriat a ngahin a nei tha hle bawk.
Mohan hi officer brilliant ber pawla ngaih mek niin taima rumrut tia hriat lar a ni bawk a.
A hmain Home Ministry-ah Additional Secretary dinhmun chelhin division pawimawh tak tak te enkawlin Union Territories te pawh a enkawl zingah a tel tawh a ni.
Seasoned bureaucrat Mohan hi Covid-19 pandemic lai pawh khan sorkarin officer a rinrawl pawimawh berte zinga mi niin protocol hrang hrang siama thutlukna siamtu ber leh States te nena coordination tha a awm theih nana hma la tur ber a ni bawk.
Mohan-an a hna thar a chelh takah chuan chona a hmachhawn hmasa ber tur chu Election Commission nena Jammu and Kashmir assembly election felfai taka neih a ni dawn a ni.
Election Commission chuan Union territory te tana inthlan hun atan September 18 a lo puang chiang tawh a, inthlan pawh thawh thuma neih a ni dawn a ni.
Union Culture Secretary a nih laiin Mohan hian hlawhtling takin flagship programme pahnih – Azadi Ka Amrit Mahotsava leh Har Ghar Tiranga movement te chu a lo kalpui tawh bawk.
‘Azadi Ka Amrit Mahotsav’ hi Indian indpendence kum 75 na lawmna leh Indian history ropui tak mipui, culture leh hlawhtlinna pholan nana hman a ni.
‘Har Ghar Tiranga movement’ hnuaiah chenna in tina national flag tar te, ‘Tiranga Yatras’, ‘Tiranga’ rallies leh ‘Tiranga’ runs tih te chu hmalakna pawimawh zingah a tel.
‘Har Ghar Tiranga movement’ hmang hian hna tautet hmeichhiate tan a bik takin self-help groups (SGHs) te tana siam niin flag production nasa taka tihpun a ni, tiin officials te chuan an sawi.