Minister of State for Parliamentary Affairs Arjun Ram Meghwal chu Minister for Law and Justice atana ruat niin Kiren Rijiju chu Ministry of Earth Sciences pek a nih thu Rashtrapati Bhavan chuan a sawi.
Raj Bhavan thuchhuah chuan president of India chuan Prime Minister thurawn angin portfolio a sawi danglam a ti a.
“Ministry of Earth Sciences chu Shri Kiren Rijiju hnenah pek a ni a. Shri Arjun Ram Meghwal, Minister of State chu a portfolio chelh mek bakah Ministry of Law and Justice chu independent charge pek a ni,” tiin tarlan a ni.
He hmalakna hi Meghwal kaisan tirna anga ngaih niin Arunachal Pradesh MP Rijiju tan erawh barakhaihna niin a portfolio chan chu hnuhhniamna anga ngaih theih a ni bawk.
A twitter bio pawh siam danglam nghalin Rijiju chuan, “Hon’ble PM Shri Narendra Modi hnuaia Union Minister of Law & Justice enkawl tu nih chu thil chhuanawm a ni a. Hon’ble Chief Justice of India DY Chandrachud, all Judges of Supreme Court, Chief Justices and Judges of High Courts, Lower Judiciary & entire Law officers te min thawhpuina tha tak avangin lawmthu ka sawi a ni,” a ti bawk.
Rijiju hi tuna collegium system awm leh hman mek judiciary dinhmun sang chelh turte ruat tur sawiseltu langsar a ni a, tum khat phei chu Supreme Court judge hlui ni tawh te chu anti-India gang tihialin a sawisel bawk.
Union Law portfolio Kiren Rijiju chhuhsak
Get real time updates directly on you device, subscribe now.