Geneva-based Internal Displacement Monitoring Centre te chuan khuarel chhiatna heng tuilian leh cyclone ang te avangin kum 2022 khan India ramah in leh lo chan maktaduai 2.5 vel an awm a ti.
South Asia bikah chhiatna tawk 12.5 million vel kum 2022 khan khuarel chhiatna avanga tawng an awm a, tuilian chu tawrhna siamtu ber niin 90% vel a awh lawih a ni.
“Ram tinin tuilian an tuar vek a. mahse, Pakistan, India leh Bangladesh te chu a tuar nasa ber ber an ni a. Heng tuiliante hi June leh September chhungin southwest monsoon-in a thlen a ni deuh ber” tiin report chuan a tarlang bawk.
Nikum khan India leh Bangladesh chuan monsoon season official a puan a nih hmain an tawk der tawh bawk a. May thlaah Assam chuan tuilian a tawk tawh a, June thlaah a ngaiah bawk tuilian a thleng leh a, mi maktaduai nga velin an tuar hle a ni.
Hei mai bakah nikum May thlaa ruahsur nasa chuan Bangladesh ah pawh harsatna namen lo siamin mi 5,500 velin leh lo chanin a siam a ni.
Thlipui avangin kum 2022 khan South Asia-ah mi maktaduai 1.1 velin an tuar bawk a, Cyclone Sitrang chuan Odisha leh West Bengal ah mi 66,000 vel in leh lo a ti chhe bawk a.
Cyclone Asani avangin Andra Pradesh-ah mi 1,500 velin buaina tawkin Cyclone Mandous vangin Tamil Nadu ah mi 9,500 chuangin harsatna an tawk bawk.
India ramah heng extreme weather events tuilian leh heat waves te chu climate change nghawng avangin nasa zawkin a thleng zel dawn tiin Indian Institute of technology, Gandhinagar te chuan nikum khan an sawi bawk a.
Climate change chuan atmosphere ah danglamna siamin chu chuan thlipui, tek leh ruahsur nasa te a thlen tam tia sawi a ni a. Meteorologists te chuan Bay of Bengal leh Arabian Sea ah te pawh global warming vangin cyclonic storm a thleng zingin a awhrei zual tawh an ti bawk.
Extreme weather avang hian forecaster tena thil lo thleng tur an sawi lawk thin pawh a tikhirhkhan zo vek an ti bawk a. Kum 2022 khan extreme weather events avanga India rama nunna chan 2,227 an awm niin Annual Statement on Climate of India chuan a tarlang bawk.
Khuarel chhiatna vangin India-in tuar nasa
Get real time updates directly on you device, subscribe now.