Union Mos-in Airport endik
Zan khat riaka Mizorama lo zin sawrkar laipui Ministry of Development of North Eastern Region (DoNER) minister of state BL Verma chuan Thawhlehni khan Lengpui Airport-a a tum veleh Airport tihchangtlun hna thawh mek enin a fangkual.
Lengpui Airport-a thutkhawmnaah Union MoS chuan he hna chungchanga a hriat duh – project-in a huamchin, hna hrang hrang thawh mek, hna an zawh beisei hunte PWD hotute a zawt a. PWD engineer -in- chief C Lalchhuana chuan hna hi tluang taka thawh mek a nih thu hrilhin, kumin December-ah chuan zawh hman an beisei tih a hrilh.
Hna zawh hun March 2023 atanga December 2023-a pawhsei ni mah se, October 2023 chhunga zawhfel ni thei se a duh tih Union MoS hian a sawi a. Hemi atan hian theihtawp chhuah turin state PWD a chah.
Union MoS hi GAD secretary K Lalthawmmawia, Planning adviser -cum- additional secretary Planning & Programme Implementation Dr Lalrinchhana, Aviation principal consultant Wng Cdr. (Rtd) J Lalhmingliana, PWD E-in-C, bakah PWD, GAD leh Planning department senior official-ten an lo dawng sawng a, a thil hriat duhte an hrilh a ni.
Union Mos-in Airport endik
Get real time updates directly on you device, subscribe now.