Si nghak lar David de Gea chuan kum 12 zet a chamchilh tawh Man-chester United a chhuahsan dawn ta nge nge a. Eng club nge a zawm dawn tih a la chiang lo.
United player hlawh hnem ber De Gea hian June thla khan United-a a contract a hmang zo va, contract thar chungchang ah club nen an indawr chhunzawm reng. Kar khata a hlawh \hin £375,000 a\angin £200,000-ah tihniam tura inremna an neih fel hnuin contract thar a ziak mai lova, chhuak turin thutlukna a siam fel zui ta a ni.
David de Gea hian save \ha tak tak neiin, che\ha viau \hin mah se hote-a chet sual khut a ching tlat thung. Hei vang hian manager Erik ten Hag chuan a chungah rinna pumhlum a nghat ngam tawh lo. De Gea hian Old Trafford chhuahsan lo mah se si nghak no. 1 a ni zui ngei ang tih an tiam thei tawh lo va, hei vang hian a tan chhuah a finthlak tawh zawk. United hian Inter Milan a\angin Onana an la fel \ep tawh a, player hlawh hnem De Gea an ui lo leh zual ta bawk.
De Gea hian United-ah kum 12 hun a hman chhungin inelna hrang hrangah vawi 545 zet a khel a, clean sheet vawi 190 zet a nei nghe nghe.
United a\angin De Gea a inpuchhuak
Get real time updates directly on you device, subscribe now.
Prev Post
Next Post