United leh Spurs in final an lut

May 8, Ningani zan khan UEFA Europa League semi-final khelh zawh a ni a, English club Manchester United leh Toottenham Hotspurs ten hnehna chang ve vein final an lut. Final-ah United leh Spurs te intum tur hi trophy inchuhna a nih rualin season thara champions league khelh phak theihna tur a ni bawk a, final-a intum tur tan inkhel pwimawh leh zual a ni.
United 4-1 Athletic Club
EPL-ah 14-naa awm mek Manchester United hian Europa League semi-final-ah bul an tan tha a, semi-final thawhkhatnaah 3-0 ngawtin hnehna an chang nghal. Mikhual an nihna hmunah awlsam taka an chak vangin final an hnaih nghal kuarh. 3-0 ngawta hmahruai chungin Old Trafford-ah an inlan zui leh a, goal chhuah hmasa mah se United hian 4-1 ngawtin hnehna an chang let a, si belhkhawmah 7-1 ngawta hnehna changin final an lut chiang hle.
Old Trafford-a lenglut Atheltic Club hian bul an tan tha a, goal thun hmasa zawkah an tang. Bilbao tan hian Mikel Jauregizar chuan minute 31-naah hmahruaina goal a thun. He goal hmang hian inlehthalna lian thlentir theih beiseina sang tak an nei hman a. Hun rei tak chung si khat faiin hma an hruai a, khelmual ropui Old Trafford-ah chak theih beiseina sang tak an nei hman.
Hun rei tak chhung an si phurh sut thei lo mah se hun awp dawn hnaih lamah United an che fuah a, goal li ngawt an thun. Red Devils tan hian Mason Mount chuan minute 72-naah goal thunin an si phurh a sut, Mount goal thun vangin mualneitu United an phur thar hluai a, goal dang an thun belh leh thuai bawk. Mason Mount goal thun atanga minute nga hnu lawkah Casemiro chuan goal a thun zui leh zat a, an mikhual lakah 2-1 in hma an hruai let.
Inhnaih chilh taka goal hnih an thun zawn vangin United an phur a, an mikhual Athletico Bilbao an talbuai ve viau thung. Spanish club an talbuai thui leh zual nan Rasmus Højlund chuan minute 85-naah an goal thumna a thun zui leh zat a, an hmahruaina a tizau leh zual. Højlund goal thun hnu hian United goal khatna thuntu Mason Mount chuan minute 90+1-ah an goal lina thunin a tawp a khar a, an mualah ngei 4-1 in hnehna an chang zui ta a ni.
Old Trafford-ah 4-1 a hnehna an chan leh tak vangin Manchester United hian Athletic Club lakah 7-1 ngawtin hnehna an chang a, nuamsa takin final an lut. EPL-ah khel tha tawk lovin, 14-na daihah awm mah se United hi Europa League-ah erawh an khel tha viau thung a, season kal meka European Competition-ah tlawm nei lo awmchhun an ni mek. United hian final-ah tunhnaia a ngam hleitheih meuh loh Tottenham Hotspurs an hmachhawn zui leh dawn a, final pawimawh takah chak an mamawh ang. Europa League-a champion hi United tan season tharah champions League khelh phak theihna awmchhun a nih vangin an tan champion a pawimawh leh zual hle ngei dawn a, Bialboa a final khelh hunah champion ngei tumin an theihna zawng zawng an hlan ang.
Tottenham 2-0 Bodo/Glimt
United in awlsam taka Athletic Club an paltlang laiin EPL-ah 16-naa awm mek Tottenham Hotspurs pawhin an khingpui Bodo/Glimt chu si belhkhawmah 5-1 ngawta hnehin final an lut ve bawk. Tottenham in final an luh leh tak vangin season tharah English club paruk in champions league an khel dawn tih a chiang zui ve nghal bawk.
Tottenham hian an mualah 3-1 a an lo hneh tawh Bodo/Glimt lakah an khel tha leh viau a, Mimualah goal hnih thunin, goal an chhuah lo.
Inkhel hmuhnawm takah goal lut a awm theih loh reng hnuin Dominic Solanke chuan minute 63-naah Tottenham hmahruaina goal a thun. Solanke goal thun vangin Spurs an phur thar a, goal pawh an thun belh leh thuai. Spurs tan hian Pedro Porro chuan minute 69-naah an goal hnihna a thun zui leh a, si hnih faiin an chak zui ta a ni. Tottenham hian final-ah United hneh ngei an tum hle ang.

Get real time updates directly on you device, subscribe now.

Leave A Reply

This website uses cookies to improve your experience. We'll assume you're ok with this, but you can opt-out if you wish. Accept Read More

Chcete zlepšiť svoj život? Zistite s od nami! Tu nájdete mnoho užitočných tipov a trikov pre každodenný život, od kuchynských trikov po pestovanie vlastných zeleninových plodín. Naše články vám pomôžu získať nové znalosti a zručnosti, ktoré vám umožnia žiť šťastnejší a zdravší život. Neváhajte a objavte nové spôsoby, ako si uľahčiť každodennú rutinu a vylepšiť svoje domáce prostredie. Najlepší čas na Vplyv zeleného čaju na Tajomstvá záhradného majstra: Ako urobiť, Mužské vlastnosti, ktoré 10 zaujímavých Tri znaky najnovšej obrannej reakcie na traumu, ktoré psychológ Ako sa správne starať o oblečenie z druhej ruky: Tipy a triky pre ľahší život: objavte nové recepty, užitočné rady a zaujímavé články o záhradkárstve