UNLF camp tihchangtlun nan Rs. vbc 28.99 pe
UNLF camp tihchangtlun nan Rs. vbc 28.99 pe
Indian sorkar chuan United National Liberation Front (UNLF) hnenah an camp pawimawh pahnih tihchangtlun nen Rs vaibelchhe 28.99 a pe a, hei hi hel pawl leh sorkarin inremna an ziah tawh kal zela mellung pawimawh tak a tling.
Ingourok camp hnenah Rs vaibelchhe 13.90 leh Kakching Khunou camp tan Rs vaibelchhe 15.09 pek an ni dawn a. Camp pahnihah hian mi 400 vel ve ve chengin heng sum hmang hian mi 800 vel nunphung tihchangkansak an ni ang.
Sorkarin anmahni puihna tur a pek hi inremna an lo neih tawh zul zelah niin UNLF member tam zawkin nunphung pangngai an zawhna tur kawng atana tih a ni.
UNLF hian a tirah chuan an member 2,500 vel awmna tur camp paruk dinna tur sum an phut a. Tuna sum la pek ve loh camp pali – Phayeng, Saiton, Nongshum leh Jiribam-a mite erawh la tihkhawtlai rih a ni a, hei hi heng lai vela himna dinhmunin a zir rih loh vang a ni.
Sumte hi Security Related Expenditure (SRE) Fund atanga pek chhuah tur niin hmarchhak-a helnain a tihbuaite tana sum dah sa a ni.
An tan sum dah leh pek ni dawn mah se UNLF hian inpek erawh an la tum lo va, chanchinbu thenkhatin inpek an tum nia an tar lan chu a dik lo tih an sawi a. Inremna tura inbiak chu tha an ti reng a; mahse, an pawl hi an la awm zel dawn a, inbiaka inkahhai puana zawi zawia kal zel an tum niin an sawi.
Sorkar nena inremna an siam tawhah chuan UNLF member-te himna pawh pek an ni a, hei hian hel pawl kher lo mi dang pawh ni se man theihna khawp sual an khawih loh a nih chuan man lohna tur pawh a huam.
Peace Monitoring Committee an tih, Manipur sorkar, sorkar laipui hnuaia sipai, Intelligence Bureau (IB) leh UNLF aiawh telna chuan inremna ziah tawh hi a taka kalpui a ni em tih an en zel bawk a ni.
India-in sum a pek tur hian hun rei tak lo zawn tawh heng laia muanna nghet zawk a awm theihna tur kawng zawh tan nia ngaih a ni a. Camp tihchangtlun hian sorkarin inbiak a duh tih a lantir piah lamah rei tak Manipur-a an lo hel tawhna titawp tura kal zelna a hril tel a ni.