US central bank chuan tun hnaia bank tlachhia an awm nawk avanga hlauhthawnna nasa tak awm chungin interest rate a tisang zui leh a.
Federal Reserve chuan key rate 0.25 percentage point a tisangin banking system chu ‘a ngelnghetin a tha’ tiin a sawi a.
Mahse tun hnaia bank tlachhia awmte avangin economic growth kal mek erawh a phet buai thei an ti thug a. Fed te hian thil man ngelnghet zawka siam nan sum puk man hi a tisang a ni.
Nikum atang tawh khan interest rate tihsan chhoh char char niin hei hian banking system a nghawng thui hle tawh a. US bank pahnih – Silicon Valley Bank leh Signature Bank te chu tun thla tir lam khan an tlachhe tawh a, a chhan ber pawh interest rate sang avanga harsatna nasa zakw an tawh vang a ni.
Hei mai bakah hian interest rate sang chuan bank tena bond an kawl mek te hlutna a tihniam ang tih hlauhna a lian hle bawk a. Bank te hian bond potfolio thahnem tak kawlin heng te hian an hlunta an hloh mai theia ngaih a ni a. Bank tena bond an kawl te hi lohtheihloha hralh ngei a ngai a nih loh chuan chutianga harsatna siamtuerawh a ni lo thung.
Khawvel ram hrang rhanga bank lama thuneitute chuan US bank tlahchiate chuan sum lam aharsatna na thlen kher dawn lovah an ngai a, a pawimawh zawk chu inflation thunun a ni an ti a.
Karkalta khan European Central Bank chuan interest rate 0.5 percentage point in a lo tisang tawh bawk a. Bank of England pawhin inflation in san lama pan avangin interest rate a tisang tura ngaih a ni bawk.
Federal Reserve chairman Jerome Powell chuan Fed te chuan inflation thunun an tumna chu an bei zui zel tiin a sawi a. Silicon Valley bank te chu ‘outlier’ tia sawiin chuti lovah chuan financial system chu a nghet tawk thawkhat tiin a sawi bawk .
Tuna harsatna awm mek chuan growth awm tur erawh tibahlah deuh dawnin a nghawng dik tak erawh tuna hriat chian mai theihloh la inlailang tur tiin a sawi bawk.
-- Advertisement --
Economic a nghawng
Bank tena forecast an tihchuahah kumin hian economy chu 0.4% a thang turin an ngai a, kum 2024 ah 1.2% a tahng turah an dah bawk a, hei hi thil pangngai aia hniam zawk fe a ni.
A hma in Fed te chuan thuchhuah an siamah interest rate sang mek chu tihhniam a ngai tia an lo sawi tawh chu sutin Fed te chuan policy kalpui belh a ngai zawk an ti ta thung bawk a.
Fed te chetlak dan hian hlauhthawnna an nei tih chiang takin a sawifiah a ni, tiin Ian Shepherdson, chief economist, Pantheon Macroeconomics chuan a sawi.
Tun hi Fed tena a zawn zata interest rate tum kua an tihsanna a ni tawh a, kum khata kalta atang khan interest rate an tihsanna hi 4.75%-5% vel a ni tawh a, kum 2007 hnua an tihsan nasat ber a ni bawk.
Interest rate sang chuan chenna In lei man a ti to a, sum pukna man tisangin leiba atipung bawk. Mahse, chutianga activity man to zawka siam hmang chuan Fed chuan demand tihniamin thil man a tihtlakhniam theih a beisei vang a ni.
Fed te hmalakna avang hian US housing market ah chaun nikum ngaihtuahin median sale price a tlahniam nasa hle a, kums awm chhunga a tlakhniam ber a htleng mek a ni.
Mahse US economy hrim hrim chu beisei aia tha zawkin thil man pawh hrisel china ngaih 2% aia sangah a kaisang tawh a. Inflation, thil man san chakna chu thla 12 chungin 6% ah a chho tawh a, Food leh airfare man ang te chu a sang chka ber ber an ni bawk.
Bank tlachhia an awm hma in Powell chuan officilas te chuan thil man sang thunun nan interest rate te chu beisei aia sangah tihsan a ngai thei dawn tiin a lo sawi lawk sa tawh ani.
US a bank tlachhia leh interest rate tihsan hi khawvel chuan ngun taka thlir mek a ni a, khawvel chuan recession nasa zawk a hmachhawn mai hlauhna a lian hle.