US Montana-ah China balloon nia hriat hmu

US chuan Chinese surveillance balloon ni ngeia hriat hmun pawimawh chung zawna tun hnaia thlawk reng chu a chhui chiang mek.
Defence officials te chuan he ‘high-altitude surveillance balloon’ hi China ta ni ngeiah an ngai a. Tun hnaiah US western state Montana chung zawnah hmuh a ni.
Mahse military leader te chuan kahthlak an duh lo va, a chhan pawh an kahthlak chuan a keh them vel tla in harsatna a siam an hlauh vang a ni a; China chuan engmah sawi a la nei lo thung.

US President Joe Biden chu thil awm dan hrilhfiah tawh niin he balloon hian Alaska-a Aleutian Islands chung zawnah te Canada paltlangin Montana-a Billing khawpui chung zawnah a awm mek niin officials te chuan an sawi.

Senior defence official te chuan sorkar chuan fighter jet hman thut theih turin a inralrin tir an ti a, chung zingah chuan F-22 pawh a tel a, White House-in kahthlak tur a tih chuan kap thla mai turin an inring a ni.

Top military leaders, Defence Secretary Lloyd Austin leh General Mark Milley, chairman of the US Joint Chiefs of Staff te chuan sawihona an nei a, Austin hi Philippines a zin mek lai niin balloon chu kap thla rih lo phawt tura tih niin a kehthem chu lei lama mipui tamna hmunh a tlak hlauhna vang a ni.

Defence official-te chuan US intelligence te chuan mipui tan emaw US security tana hlauhawm a ni lo an ti a, a chhan ber pawh balloon chu khawiah nge a awm mek tih an hriatchian vang a ni a. Balloon chu commercial airlines te thlawhna aia sangah a thlawk hrim hrim niin an sawi bawk.

Defence officials te chuan US chuan Chinese official te Washington DC leh Beijing a embassy te hnenah a hriattir tawh an ti bawk a. Thuneitute chuan balloon chu khawiah chiah nge a awm tih leh engtianga lian nge a nih tih pawh an sawifiah duh lo bawk.
“Commercial pilot ten he balloon hi an hmu fo tawh a, chuvangin a liantham tawk hleah ngaih mai tur,” tiin defence official pakhat chuan a sawi a. Surveillance balloon te chu hmuh fo a nih thu sawiin tuna mi erawh a cham rei deuh an ti bawk.

Senator Marco Rubio, top Republican leh Senate Intelligence Committee a tel bawk chuan China balloon a ni ngeia a hriat thu a sawi a. “Beijing in kan ram a enthlak kalpui hi tun hnai kum 5 chhungin nasa takin a ti zual a ni,” tiin a sawi.

CIA Director William Burns pawhin balloon sawi lang chuang lovin China chu US geopolitical challenge lian ber tiin a sawi bawk.
Hetih lai hian US Secretary of State Antony Blinken chuan kar leh hian China a tlawh dawn a. Biden administration awm hnua cabinet secretary-in China a tlawh hmsak ber a ni dawn a, thil hrang hrang sawihona neih tur niin chung zingah chuan Taiwan leh Covid-19 chungchang pawh a tel a. Blinken hian Chinese President Xi Jinping pawh a hmu dawn bawk niin Financial Times chuan a tarlang.