Thing tam zawk phun chuan summer laia temperature sang kaihhnawih avanga khawpuia nunna chan hmun thuma thena hmun khatin a tihniam thei tiin The Lancet jounral a modelling study tihchhuah chuan a tarlang.
European cities 93 zirchianna neihah thingin 30 per cent luah belh se la chuan khawpui environment chu 0.4 degree Celsius-in a tlahniam dawn a, chu chuan khawlum kaihhnawiha nunna chân a dang thei ang, an ti bawk a.
-- Advertisement --
Kum 2015-a temperature sâng avanga premature death 6,700 te zirchianah chuan heng zinga 2,644 te chu khawpuiah thingkung tam zawk se, 30 per cent khuh se la chuan an thi lo ang tiin researchers te chuan an sawi a ni.
Heng zirchiannate hian climate-resilient strategy lamah hmalakna chak zawk neih a tulna te, local policy-in climate change dona kawngah awmzia a neih theih dan leh mipui nawlpuite hriselna tihthat zawkna a thlen theih dan a pholang tiin an tarlang bawk a.
“Khawpui environment-a temperature sangin mihring hriselna a khawih theih dan kan hria a, heng cardiorespiratory lama fel lo, damdawi In dah ngai leh thih hun tur hmaa thihna te a thlen thei a ni,” tiin study leader author, Tamar Lugnman, Barcelona Institute for Global Health, Spain chuan a sawi.
“Heti lam zirchian tawhnaa la lian ber niin temperature sangin khawpuia premature mortality a thlurbing tumkhatna leh thingkung tena nunna chan an dan theihna zirchianna a ni,” tiin Lungman chuan a sawi.
Researchers te hian European khawpui hrang hrang 93-a June leh August 2015-a kum 20 chin chunglam nunna chan te an zirchianna a ni a, an zirchianna huam chhungah hian mihring maktaduai 57 lai an awm a ni.
Hetih hun laia nunna chan te chu daily average city temperature nena analysed niin modelling scenario pahnih hman a ni a. Pakhatnaah chuan city temperature urban heat island tel lo leh city temperatyre urban heat island telin teh a ni a. A pahnihna zawhah hian thingkung cover 30 per cent chuan temperature a tihniam tih finfiah a ni.
Khawpui lum avanga nunna chan te chu ‘exposure response function’ hmanga teh niin heta tang hian khawpui lum avanga nunna chan tam tak te chu thing phun tihpuna nunna chan lo thei an ti a ni.
Nunna chan 6,700 te chu summer laia khawpui temperature sang avanga thi nia ngaih niin kum tluana nunna chan 1.8 per cent an nih laiin summer laia nunna chan chu 4.3 per cent a ni.
Researcher te chuan nunna chan 2,644 zela pakhat chu thing kung 30 per cent a tihpunin chhan theih an ni a, a chhan chu thingkung te chuan temeprature sang lutuk tur a veng an ti a. Europe-ah rau rau pawh Eastern Europe leh Southern Europe-ah hmun dang aiin nunna chan an tam zawk, an ti baw