US Open-ah Trump an boo!

US President Donald Trump chuan a chhungte hruaiin Pathianni zan US Open men’s final kha New York khuaa Arthur Ashe Stadium-ah a thlir a, security check avangin second-seeded Carlos Alcaraz leh defending champion Jannik Sinner-te inkhelh hun kha darkar chanve zetin an tawlhhla a, mipui lungawi loin an president chu an boo khum hluah hluah!
United States Tennis Association lam chuan Trump laka tennis fans khawsak dan kha khawvel hmuha phochhuak lo turin broadcaster lam an ngen a, TV lamah chuan mipui dodalna kha tihlan a ni lo!
US Open sponsor hraw Rolex kha kan hruai tangin Switzerland rama inbun khawvel huap sana siamtu company lian leh lar niin, Swiss watchmaker home country Switzerland ngei pawh chu tunlaia Trump-a’n chhiah (tariff) sang tak a lakna ram a ni a, chuti chung chuan final-ah khan ‘guest of Rolex’ atan sawm a ni a, mipuiin an eilohzia chetzia leh thawm hmangin an lantir ta a ni!
Trump kha White House press secretary Karoline Leavitt, Attorney General Pam Bondi, Treasury Secretary Scott Bessent, special administration envoy Steve Witkoff leh White House chief of staff Susie Wiles-te’n an tawiawm.
Kumin January thlaa Oval office a luah hnu khan Trump hi sports event hrang hrangah a inlan nual tawh a; Februaty thla khan a hmunah Super Bowl chhimin, Ultimate Fighting Championship inbeihnaah hmuh tur a awm zauh zauh bawk a, White House-ah ngei Ultimate Fight hi nghah a tum nghe nghe!