Boxing-a palian huangah kawnghren ngaihhlut hlawh pathum kawl khawm mektu Oleksandr Usyk chuan August ni 26-ah khingpui hautak a hmachhawn dawn a, Daniel Dubois nen kawnghren an inchuh dawn.
WBO, WBA (Super) leh IBF kawnghren kawl khawm mektu Oleksandr Usyk hian August 22, 2022 khan a vawi hnih nan Anthony Joshua hnehin a kawnghren a humhim. Joshua a hneh hnu hian palian huanga WBC kawnghren kawl mek Tyson Fury nen inhmachhawn tumin an indawr a. Palian huanga tha ber tih tihfiah theihna tur inhnek lian tak ni thei dawn mah se Fury nen inremna an nei thei lo va, khingpui dang an zawn a ngai. Fury a hmachhawn theih loh takah chuan a kawnghren chuhpui tura tling sa Daniel Dubois a hmachhawn dawn ta a ni.
Usyk leh Dubois te inhnek hun atan August 26, 2023 ruat fel a ni a. An inhnekna hmun atan Poland kahwpui pakhat Wroclaw-a mipui 24,000 lenna Tarczynski Arena thlan fel nghal a ni.
Palian huanga boxer tha, kum la naupang tak Daniel Dubois hian inhnek vawi 20 hmachhawn tawhin vawi 19 hnehna a chang tawh a. A hneh tawh 19 zinga 18 zet hi knock-out hmanga a hneh a ni nghe nghe. He boxer tha tak hian a khingpui tur Ukranian boxer huaisen Oleksandr Usyk ch boxer huaisen leh boxer tha tak a nih vangin a zah hle thu a sawi a. A hun a nih ve tawh vangin an inhnek hunah a hneh ngei tur thu a sawi tel thung. An inhnek hunah khawvel barakhaihin, World Champion nih ngei a tum hle.
Boxer huai zet mai Usyk hian inhnek vawi 20 hmachhawn tawhin a la chak vek a, a mah aia kum 11 zeta naupang zawk Dubois lakah hnehna chang turin rin a kai viau. Anthony Joshua a laksak kawng hren hum tumin fiahna hautak a hmachhawn dawn a, a tum hnih nan a kawnghren humhim tumin thapui a thawh ang.
Usyk hmachhawn tur Dubois
Get real time updates directly on you device, subscribe now.
Prev Post
Next Post