Vaccine vangin Djokovic talbuai leh

Vaccine vangin Djokovic talbuai leh
Covid-19 vaccine a lak duh loh avangin kumin January thla maia a record kawl lai belhchhaha Austra-lian Open title 10 la tling Novak Djokovic chu tun Thawhlehni atanga khelh tan Indian Wells Masters event atangin a in-hnukdawk leh ta!
He case avanga nikum nikum Austra-lian Open-a a title kawl lai humhim thei lo tawh Serb hi Covid invenna a lak loh avangin United States luh phalsak a ni lo leh ta rih a, hei vang hian Indian Wells-ah a inlan thei dawn lo.
World number one Novak Djokovic hian grand slam title 22 la tling tawhin, tunah kum 35 mi ni tawh mah se a vanglai a hmang chho mek a; US tournament lianah pawh hian tel thei se rinkai a ni leh dawn a, US sawrkar hnenah Covid-19 vaccine la lo chunga luh phalna (special permission) a dil a, US sawrkar hian an dan hman mekah April ni 10 thleng khian an rama lut tur international visitor-te chu vaccine an la ngei tih lanna an nei tur tih a ni a, vaccine a lak loh avanga nikum US Open pawh khel thei lo tawh Djokovic hi America luh phalsak a ni leh ta chuang rih lo a ni.
Indian Wells hmun-a tournament khelh thin 2023 BNP Pari-bas Open hi grand slam tournament pali tih lohah chuan tennis calendar-a tourna-ment ngaihhlut hlawh berte zinga pakhat niin, karliamta Zir-tawpni khan United States Tennis Asso-ciation leh US Open chuan thuchhuah in-tawm siamin, kumin hian Djokovic chuan tunthlaa khelh mi ve ve Indian Wells leh Miami Masters 1,000 event lama a inlan theih an beisei thu an puang zet a, US sawrkar lamin an ram luh a dilna an phalsak ta lo a ni.