Vairengte-ah college nei thei turin buaipui ngaite an tifel hnai a, principal tur pawh an be fel tawh tih Serlui bialtu MLA Lalrinsanga Ralte chuan a sawi.
Thawhlehnia Vairengte High School-II atanga HSLC pass tharte lawmpuina a hmanpuinaah Serlui bialtu MLA chuan Vairengte-in college nei thei tura buaipui ngai an tihfel thawkhat thu leh session thar atan class tan turin ruahmanna an siam tawh thu a sawi a. Principal tur pawh an befel tawh tih sawiin, college session thar, July to December 2023 atan zirtirtu hlawh zawng zawng a tum sak vek dawn tih a sawi a ni.
Ad hoc aided school Vairengte H/S-II in zirtirtute inpekna leh thawhrinna avanga result duhawm tak an nei thei chu lawmawm a tih thu Lalrinsanga Ralte hian a sawi a. Distiction hial an awm leh, exam hmachhawntu school naupang 53 zingah zirlai 46 an pass thei leh, pass percentage 86.79 a tling chu an school record a ni tih a sawi bawk.
MLA hian Serlui bial chhung school atanga distinction-a pass te chu laptop a pek zel tur thu leh, matric top 10-a langte chu scooty a lei sak zel tur thu a sawi a ni.
Vairengte-in college tifel hnai
Get real time updates directly on you device, subscribe now.
Prev Post