Vairengte leh Sairang inkara NH kawng sial tur sawiho

National Highway No 306 leh 06, Vairengte leh Sairang inkara kawngpui laih chungchang relin chief minister Lalduhoma hoin an thukhawm.
Chief minister chuan forest clearance thilah harsatna tawk neuh neuh avangin an harsatna hi a kaihhnawih mawhphurhna neituten inpawh taka sawiho zel tha a tih thu a sawi a. Vairengte leh Sairang inkar kawngpui kaihhnawih harsatna awm chu sutkian a nih a, he kawngpui pawimawh tak hi tha taka sial a nih theihnan sawrkar laipui hruaitute a be thin a. Tuna an thuthlukna hi an hriattir anga, a tul chuan amah ngei pawhin a zu umzui mai dawn tih a sawi a ni.
Thukhawmte hian hmalak dan tur tha nia an hriat an sawi a. Meeting minute sawrkar laipui hriattir ran ni se, an ti.
Thutkhawmah hian PWD minister Vanlalhlana, EF&CC minister Lalthansanga, FCS&CA minister B Lalchhanzova bakah a kaihhnawih sawrkar official-te, NHIDCL hotute, Environmental NGO Coordination Committee aiawh leh, Vairengte leh Sairang inkara Land Owners Association hruaitute an tel a ni.