Vantawng Khawhthla tui kang lo

Vantawng Khawhthla tui kang lo
Vantawng Khawthla tui a kang a, tui khawhthla tur pawh a awm lo tiin social media-ah thu a thang a, hei hi thudik a ni lo tih thu dawn a ni.
YMA Buangpui Branch te’n social media-a hetiang thu a than avang hian Vantawng Khawhthla hi a hmunah an en a, tui hi a kang lo a, hla deuh atanga a thla latute’n tui a awm lo emaw an ti a nih an rin thu The Aizawl Post an hrilh.
An sawi danin, kum dangah pawh tun ang hun velah hian tui a tlem thin a, tui hi awm tho mah se khawthla pur pur tham a awm lo thin. Chu chu hla deuh atanga thlir chuan tui a awm lo emaw tih tur a ni thin.
Vantawng Khawthla-a tui hi Tuirihiau atanga luang lut a ni a, Tuirihiau atanga tui luang hi tun ang hunah a tlem thin avangin Vantawng Khawthla-ah hian tui a tlem thin an ti a, Vantawng Khawhthla chhakah hian buara velin tui a khuap a, tui luang tlang tho mah se tui tlem lai chuan hei pawh hian Vantawng Khawhthla thlenga luang tur a titlem ve hret thei an ti bawk.