Vantlang hmun leh sawrkar hmun
atan kohhran nen ram inthleng
Chawnpui Veng Multipurpose Hall leh Govt. Model Middle School building tur lungphum chu deputy chief minister Tawnluia’n Thawhlehni khan a phum. Hall leh school sak theihna tur hian Chawnpui Presbyterian Kohhran ram leh tuna Govt. Model MS ram inthleng a ni a. Kohhranin ram inthleng a phal leh School Education department-in a lo pawmpui chu thil lawmawm tak a ni tih a sawi.
Building sak turah hian zirna sikul chu ngaihpawimawh ber a ni a. Facilities tha ber ber chu sikul hian a neih phah dawn tih deputy chief minister hian a sawi a. Govt. Model MS chu Mizorama sikul upa ber pawl a ni, tiin, “Tun dinhmunah duh angin zirlai admission pek tam theih ni lo mah se, building sak zawh a nih chuan zirlai tam zawk admission tih theih a ni tawh dawn a ni,” a ti.
Building tharah hian Recreation Centre bakah Mizoram Upa Pawl Chawnpui Branch-in an hman tur hmun siam a ni a. Tha taka sak a nih theih nan UD&PA department chuan a viltu tur Committee a siam dawn a ni.
Chawnpui Multipurpose Hall leh Govt. Model MS tan hian state fund atangin cheng nuai 700 hmuh a ni a. LHM Infra Khatla Aizawl chu a sak hna thawk tura thlan a ni. Chhawng 5-a sak tur niin, floor hrang hrang hman dan tur hi ruahman lawk a ni.
Vantlang hmun leh sawrkar hmun atan kohhran nen ram inthleng
Get real time updates directly on you device, subscribe now.
Next Post