an member Jimin chuan kumina fans tana a thilpek hnuhnung atan a hla thar ‘Closer Than This’ chu vawiin tlai (2 p.m. KST) hian a tlangzarh dawn ta. BigHit chuan he hla thar hi Jimin-a’n ARMY tana a rilru put hmang a inphawrhna niin an tarlang.
BigHit chuan Weverse-ah he hla thar tur hi puangin, “2023 tawplam kan hnaih mek lai hian, Jimin-a’n fans a ngainatna leh hmangaihna te a puan chhuahna ‘Closer Than This’ hian beiseina leh hlimna a rawn thlen ngei ang che,” an ti bawk.
V, Jung Kook leh RM ten South Korean army an zawm ve leh tawh a, a hmain Jin, Suga leh J-Hope te sipai-ah an lo lut tawh bawk a, tunah chuan BTS pawh sipai-ah an lut zo ta duak mai a, 2025-ah chauh group angin an rawn comeback leh thei dawn a ni.
Kuminah Jimin hian a EP Face pawh a lo tichhuak tawh a, Billboard 200 (albums) chart-ah No.2 a kai a, a singles ‘Like Crazy’ chu Billboard Hot 100 (singles) chart-ah No.1 a kai nghe nghe a ni. Thla kalta khan Jimin hian MAMA Awards-ah nomination pariat lai neiin, top nominee a ni a, best male artist a dawng zui ta nghe nghe a ni.
Vawiinah Jimin hla thar tichhuak dawn
Get real time updates directly on you device, subscribe now.
Prev Post
Next Post