Mizoramah African Swine Fever (ASF) a leng mek a, Mizoramin he hri vang hian vawk engemaw zat a chan tawh. Chumiina a nghawng chu vawksa hralh a har hi a ni. Chu chuan a vulhtute leh a sa zuarte a nghawng hle.
Vawk vulhtute leh a sa zuarte sawi danin, ASF vang hian vawk man a tlahniam nasa a, a vulhtute’n hralh thuai thuai an duh avangin a man an chhiar to ngam lo.
Vawktalhtute sawi danin, vawk inches 40 vel, a hmaa Rs 22000 vel man kha tunah chuan Rs 12000 vel man a ni tawh. A man hi 50% dawnin a tla tawh an ti.
Vawk man a tlahniam a, mahse a talhtute tan a lawmawm zawngin thil a kal chuang lo. Mipuiin vawksa an thinhrik avangin a hralh a kal lo a, vawk man a tlawm e tih vangin vawk an lei tha ngam chuang lo.
ASF vang hian vawk vulhtute leh vawk talhte an mangang a, an sum lakluh a tlakhniam avangin harsatna an tawk tih an sawi.
Aizawla bazar hlun Venghlui Bazar-ah chuan Inrinni-ah dawhkan pakhatah vawk pakhat an hralh zawh chuan an lawm a, a hma chuan dawhkan pakhatah Inrinni-ah vawk pathum tal an hralh zo thei.
“Inhralh a har. Hrilen tirh atang khan inhralh a har a. Inhralh a har telh telh han tih tur chu a ni lo a, mahse hrilen tirh atang khan inhralh hi a har char char,” vawksa zuar pakhat chuan a ti a, “Hralh bang, dah chhiat neih chang te pawh kan nei,” a ti bawk.
AH&Vety department-in an chhinchhiah danin, ASF hrileng mekah hian June ni 14 thlengin vawk 2125 a thi tawh a, vawk 4346 tihhlum/suat a ni tawh. June ni 14 khan vawk hi ASF vangin 102 a thi a, hemi ni hian vawk 156 tihhlum a ni.
Vawk vulhtute leh a sa zuarte mangang
Get real time updates directly on you device, subscribe now.
Prev Post
Next Post