VC 16-ah by election nei dawn

State Election Commission Mizoram thuchhuak angin village council 16 ah by-election neih tur a ni a. Hemi atan hian kumin July 1 kha qualifying date (tehfung) a hmangin by election neihna tur bikah hian electoral roll siamthat a ni dawn a.
By election neihna tur VC 16 zinga a tam zawk chu seat awl pahnih – khat awm hnawhkhah tur a nih laiin, VC pum thlan tharna tur VC pahnih – Ngur (Champhai district) leh Chawngtlai (Khawzawl district) a awm a. A bak by election neihna tur leh an awmna district chu – Sihphir Venghlun (Aizawl); Bunghmun West (Lunglei); Serchhip-III (Chhim Veng) leh New Serchhip North (Serchhip); Khuangthing, Leisenzo, New Champhai, Thekpui (Champhai vek); Dampa Rengpui-I (Mamit); Kolasib Saidan leh Nisapui (Kolasib); Khawkawn (Saitual); Khawzawl-III/ Dinthar (Khawzawl) leh Hnahthial South-II (Hnahthial) te an ni. A vaiin seat ruak hnawhkhah tur hi general seat 23 leh reserved (hmeichhia) seat 5 a ni.
By election-a hman tur final electoral roll hi kumin August 13-a tihchhuah hman tum a ni.