VC dan siamthat tum thlirho

The Mizoram (Village Council) Draft Bill, 2024 chungchangah a vawi hnihna atan Thawhlehni khan LAD minister C Lalsawivunga hoin inrawnkhawma sawiho a ni.
Tuna village council inenkawl nana hman mek, The Lushai Hills District (Village Council) Act 1953 chu Mizoram UT a nih atanga hman a nih avang leh tunlai khawsak phung leh changkanna nen inhnerem lo tam tak a awm tawh avangin he dan hi ennawn a ngai tih sawi a ni a. Ngaihdan hrang hrang sawiho niin, kan ram mila democracy chhawmnung reng a, kalpui zel nise tih a ni.
Thutkhawmah hian The Mizoram Village Council bill 2024 Drafting Committee-in an draft bill siam chu uluk taka ennawnin, tihdanglam ngai leh siamthat, belh leh paiha ennawn a ni. Draft bill ennawn ngai, tuna la tihfel hman loh chu Drafting Committee-in lo buaipui tura tih a ni bawk.
He dan hi Mizoram State Assembly-in a pass hunah Municipalities, Lai, Mara leh Chakma Autonomous District Council huam loin Mizoram puma hman tur a ni.