VC tharin larsap leh CM kawm
Mizoram University vice chancellor thar Prof. Dibakar Chandra Deka chuan Thawhlehni khan a hrang ve ve in larsap leh chief minister a kawm.
Raj Bhavan-a larsap Dr Hari Babu Kambhampati a kawmnaah Mizoram University, India ram university zinga la naupang fal tak leh thangduang takah hotulu ber mawhphurhna a chang tur chu phurawm tih thu hrilhin, tun dinhmuna MZU hlawhtlinna chu tuna thawk mekte leh hotu hmasate thawhrimna leh inpekna a ni tih VC hian sawiin, MZU-in hma a sawn lehzualna tura thil pawimawh leh hmalakna kalpui hmasak tura a pawimawh deuh nia a hriatte a sawipui.
Larsap chuan MZU vice chancellor chu Mizoramah lo lawmin, a mawhphurhna pawimawh tak chu tha taka hlen thei turin duhsakna a hlan a ni.
Chief minister Zoramthanga chuan hmasawnna tura hmalakna hrang hrang a neih zingah mithiamte nena thawhho te, an thurawn mamawh changte a awm thu hrilhin, VC hnenah hian thawhhona tha tak neih zel a beisei tih a lo hrilh a ni.
VC tharin larsap leh CM kawm
Get real time updates directly on you device, subscribe now.
Prev Post