US in sum hman tur nei lo thei

US Treasury Secretary Janet Yellen chuan Congress in debt ceiling a risang emaw a nih loh chuan US chuan 1 June ah sum hman tur a nei tawh lo mai thei tiin a sawi.
US in debt ceiling a thlena siam danglam a nih loh chuan sorkar in sum a pukbelh thei tawh dawn lo tihna a ni a.
Yellen chuan Congress chu US in sum a puk theih $31.4 trillion siam danglam tura ‘a rang thei ang bera’ hmala turin a gnen zui a.
President Joe Biden chuan he mi chungchang ngaihtuah tur hian 9 May hian conngressional leader meeting ako zui bawk a.
US hian debt ceiling (sum a puk theih tur bithliah) a san awn awn tawh a, kum 1960 hnu khan Tum 78 lai a sanin a ennawn tawh a ni.
Kuminah erawh House Republicans te chuan sum sen tihtlem leh President Biden a agenda Thenkhatte- student loan forgiveness programme leh green enery tax credit ang te chu sut emaw tihtlem an ngiat a ni. Republicans te thil ngiat hi Senate ah Democrats te chuan an duh lo hle thung a, President Biden pawhin a agenda kalpui te hnawltura tihna chu pawm theihloh a ti hmak bawk.
Mahse President Biden chu US business group te, US Chamber of Congress te aTangin Republican te rawtna neih chu a ngaihtuah ngei tur a ni tia nawrin a awm mek thung a.
US hian sum a neihloha a default a nih ngatchuan US history a hmasa ber tur ni dawnin chumai bakah global financial market tinghingin S chu global business partner rintlak a nihna a sawi chhe hle dawna ngaih a ni bawk.
Mithiam te chuan default a thleng a nih chuan US chuan recession lutin unemployment a san phah hle ang an ti bawk a. Hei mai bakah hian US chuan sorkar hnathawk leh sipai te, social security chegue te bakah defence contractor payments te pawh tithei lo leh kalpui thei lovin a awmphah dawn bawk.
Sum a nei lo a nih ngat chuan nghawng turu tak nei dawnin weather forecasts te thlengin a gnhawng dawn a, a chhan ber pawh data tam ber te chu federal fund hmanga kalpui National Weather Service a thuktaka innghat an nih vang a ni.
Congress member te hnena lehkha a thawnah Yellen chuan, “Tu hma pawhin debt limit lama hasratna siama hun tepter taka thil kalpui chuan sumdawnna leh consumer te a tibuai hle tih kan hre tawh a, taxpayer te short-term borrowing costs tisangin, United States credit rating a chhe zawngin a nghawng nasa dawn a ni” tiin a sawi.
Yellen chuan tun dinhmunah chuan eng hunah nge US chuan cash a hman zawh vek ang tih a hriat theih mailoh a ti thung a. Hetilai hian Congressional Budget Office (CBO) te chuan ‘US Treasury chuan June thla tir lamah sum thehchhuah tur a nei tawh dawn lo’ an ti ve bawk.
US Treasury chuan June thlaa tawp tur quarter chhungin $736 billion pukbelh a duh a, chu chu kumin kumtira pukbelh ngaoi tura duan aiin $449 billion laia tam a ni. Officials te chuan sum pukbelh tam a ngaihna chhan an sawiah income tax receipt beisei aia dawn tlem vang te, sorkar sumsen sang vang te tiin an sawi.
Democratic Senate Majority Leader Chuck Schumer leh House Democratic Leader Hakeem Jeffries te chuan thuchhuah inTawm an siam zuiah US chuan ‘Tangruala harsatna awm thei te sukianga kan economy leh American chhungkua maktaduai tel te harsatna tawh pumpelh nan June 1 thleng nghak turin a dinhmun a Tha lo’ an ti hial a.
“Republicans te hian right-wing extremism tena kan ram an hrehbeh hi an remti tur a ni lo. Hun tam tak Congress in budget kalpuiah sum sen leh revenue chungchangah thutlukna a siam mai Thin a, tunah pawh kalpui mek a ni” an ti bawk a, “Kan ram sum dinhmun thlir chunga sawihona neih tur a ni a, tun anga extreme MAGA Republicnas tena an radical agenda America barhluih an tum ang hi chu a dik lo a ni” tiin an sawi bawk.
Republican lamah erawh House Speaker Kevin McCarthy chuan President Biden chu ‘a hna thawk duh lo’ tia puhin ‘default hmasa ber thleng thei tur khawpa kan ram dinhmun chhiaa dah’ tiin a sawi bawk a.
“Hun a tep ter hle tawh” tia sawiin McCarthy chua, “Thla thum chhung Biden administration in hma an la duh miah lo va, chutah House in hma a la zui a, kan sawi lai mek hian Senate ah bill tang a awm mek a. Senate leh President te hian chingfel turin hnathawk mai se” tiin a sawi thung.
January thla khan Congress member te hnena lekha a thawnah Yellen chuan Treasury Department chuan government default a thlen loh chuan kawng hrang hrangin nasa takin hma a la mek tiin a lo sawi tawh thung.