Vety hospital & clinic hawn dil endik

Vety hospital & clinic hawn dil endik
Veterinary Hospital leh Clinics Licence Inspection Team chuan Bualpui leh Kolasib-a private hospital leh clinic-te licence dilna chu a hmunah an enfiah.
The Mizoram Licencing & Regulation of Private Veterinary Hospitals & Clinics Act 2021 sawi angin Inspection Team hian Mizoram hmun hrang hrang atanga licence dilna an enfiah a. Inspection Team hi Mizoram State Veterinary Council president Dr Lalremliana hoin an thawkchhuak a ni.
Licence dilna an enfiahna atang hian licence pek tlak pek an ni dawn a. Mizoram puma licence dil hi Aizawl district-ah 10, Lunglei 4, Siaha 2 leh Kolasib 3 a awm a. Danin a sawi angin Veterinary Hospital leh Clinic hawng tur chuan veterinary doctor, Mizoram State Veterinary Council-a in register-te chauhin an enkawl tur a ni a; an hmanrua leh damdawi pawh danin a phal ang chin a ni ngei tur a ni. Dan awmsa zawm famkim lote chu licence pek chhuah an ni dawn lo tih sawi a ni.
Inspection neih rual hian ‘The Mizoram Licencing and Regulation of Private Veterinary Hospital & Clinic Act 2021’ leh ‘Standard of professional Conduct, Etiquette & Code of Ethics for Veterinary Practitioners Regulations 1992’ neih nghal a ni a. AH & Vety deputy dircetor Dr Thangzadinga chu resource person a ni. Workshop-ah hian district tina private practitioner-te an tel a ni.