Vietnam-ah fake account khap bur

Vietnam-a social media hmang tute chuan an nihna diktak an pholan zel a ngai tawh dawn a, hei hi sorkar in online scam nasa lutuk tihtawp tuma hma a lakna kal zel a ni.
Sorkar chuan anonymous (fake account) hmanga dan bawhchhiate chu chhuizui zel an ni tawh dawn a ti a.
Facebook leh platform hrang hrangte hmangtu account tunge an nih tih finfiah lohte chu finfiah vek an ni tawh dawn tiin sawi a ni bawk a. Hei hi Vietnam-a social media hmangtute chhuizuina kalzel a ni.
Nikum khan Vietnam-a social media platform te chu news te pawh fake a nih leh nih loh darkar 24 chhunga finfiah vek tura tih an ni tawh bawk a, a hma chuan darkar 48 tih niin chu chu pawhtawi a ni.
Hei mai bakah hian kum 2022 khan Google leh Facebook te chuan user’s data te chu Vietnam ram chhungah ngei an dahtha tur a ni tih a lo ni tawh bawk a.
He hmalakna hi sorkarin company te a nawr tawmna niin hei hian Vietnam mipuite freedom of expression, association leh privacy rights te chu a bawhchhiatsak dawn a ni, tiin Human Rights Watch te chuan an sawi.
Tuna Vietnam dan thar hi Telecommunications Law Amendment kaihhnawih zel niin lawmaker tena an passed ngai ni thungin kum 2023 tawp hmain a taka kalpui theih tura ngaih a ni a, a kimchang erawh hriat a la ni lo thung.
Tun dinhmunah chuan Vietnam ah social media hmangtu tin ten identity verification an paltlang lo va, mahse, tunah erawh local leh foreign social network te pawhin dan thar hi an zawm ngei a ngai tawh dawn a ni.
Information deputy minister Nguyen Thanh Lam chuan Voice of Vietnam hnenah thuneitute chuan social media account holder dan bawhchhia te chu an finfiah theih thu a sawi a, mahse cross-border application an hman tlat avangin tihzui ngaihna awm vak thin lo a ti,
South East Asia ram hrang hrangah te information dik lo leh hate speech lam te chu sorkar tana ngaihmawh awm a nih rualin sorkar hrang hrang Vietnam sorkar pawh telin digital space a thuneihna chan an tumna lamah an kal na tial tial bawk a.
Fake news chu hmanruaah sorkar chuan hmangin ram chhunga healthy information environment awm tur te an man bet tlat a ni” tiin ISEAS-Yusof Ishak Institute tena zirchianna an neih chuan a lo tarlang tawh thung.
Kum 2023 khan World Press Freedom chuan press te zalen lohna ramah Vietnam chu North Korea leh China chung lawkah ram 180 zinga 178 naah a dah a ni.