Vietnam khawlum lutukin hlauhthawnna

Vietnam-a khawlum lutuk chuan harsatna a siam nasa hle a, kar kalta Inrinni khan north central weather station chuan 44.1 degree Celsius a record a, officials te chuan kum 2019-a khawlum ber record ding chu a lehpel tiin an sawi.
South Asia ram hi April thla atang khan khawlum namen lovin a nuai tawh a, a thenawm ram tinte pawh khawlum hian a tuam bawk a ni.
Vietnam weather hi hmar lam leh chhim lam a inang lo va, mahse, tichung chuan tun khawlum chuan a ram pum tuamin record awm china nipui lum ber a tawng mek a ni.
Record temperature 44.1 degree Celcius hi Inrinni khan Hoi Xuan station north-central Thanh Hoa province a in chhunga record a nih thu National Centre for Hydro Meteorological Forecasting te chuan an sawi.
April 20, 2019 a Huong Khe District, central Ha Tinh province a 43.4 degree Celcius record chu a khum a ni.
“Climate change leh global warming awm mek zelah he record hian ngaih a ti tha lo zual a ni,” tiin climate change expert Nguyen Ngoc Huy chuan a sawi a. “He record hi khum a nih char char ka ring,” tiin a sawi bawk a.
“Extreme climate model te a dik zia pholanin a awm tihna a ni bawk,” tiin Nguyen Ngoc Huy chuan a sawi bawk.