Vohbikte tan manifesto duang

Vohbikte puihna tur chu Congress party manifesto-ah duan tel a ni tih Congress Thalai president Dr Lalmalsawma chuan a sawi.
A pian champha pualin Dr Lalmalsawma hian Ningani khan Gilead Special School, Bawngkawn Brigade Aizawl tlawhin thilpek, sumfai a hlan bakah kum khat atan zirlai naupang harsa zual pahnih hostel leh school luhna a tumsak a. Congress party manifesto ‘Tang Puihna’ ah vohbikte an him a, an dinhmun a that zawkna turin Special Social Security ngaihtuahsak an nih tur thu sawiin, “Vohbikte hi kan ram tan mi tangkai an ni thei tih ka hrechiang a, an tan hian ruahmanna tha zawk kan duang a, dinhmun tha leh him zawk, anmahni chawikan zelna tur ruahman a ni ang. An tan hian felfai takin hmalakna tur kan duang a ni,” a ti.
Autism Spectrum Disorder (ADS) neih chu thil zahthlak a ni loa, a bika enkawl erawh ngai an ni, tiin, khawvel mi ropui tak tak. entrepreneur ropui leh hausa Elon Musk, scientist ropui Albert Einstein, Henry Cavendish leh adt. pawh ADS nei an nih thu a sawi a ni.
Gilead Special School hi pre school atanga class VIII thleng kal theihna niin, sawrkarin adhoc aided school-ah a dah a, zirtirtu hi he school enkawtu Spastic Society of Mizoram rawih bakah sawrkarin panga leh 4th grade pakhat a pe a ni.