Vote chhiar hun sawn dilnaah ECI la ngawi

Mizorama MLA inthlanpui neiha December 3 – Pathiannia vote chhiar tura Election Commission of India-in a ruat avanga political party, kohhran leh tlawmngai pawlten sawn tura an ngen chungchangah thuthar a la awm lo.
Mizorama election hotute chuan ECI hian hun sawn tura ngaihtuah that tumna emaw a neih awm an la hre lo tih an sawi.
Pathiannia vote chhiar tura ruat vang hian Mizoram Kohhran Hruaitute Committee leh Mizoram People’s Forum bakah Central YMA hmalakna in NGO Coordination Committee hnuaia awm NGO panga (CYMA, MUP, MHIP, MZP, MSU) president theuh leh political party 7 (MNF, INC, ZPM, BJP, PC, ZNP, AAP) president theuhte hming ziahhnanin chief election commissioner hnenah Inrinni leh Pathianni ni loa vote chhiar hun sawn turin ziakin an thlen a. Hei bakah hian MNF, INC, ZPM leh BJP chuan a hrang theuhin ziakin CEC hnenah hian vote chhiar hun sawn turin an lo ngen tawh bawk.