Tunlai khawlum karah tun tum chu chanchin vawt deuh tarlang ve thung ang. Lukasz Szpunar chu vawt tawrh chak zet mai a ni a, kekawrbul chiah hain, bawm chhungah dingin, vurin an vur hnan leh a, a taksa zawng zawng vurin a khuh vek a, chutiang chuan darkar li leh minute hnih a awm theia, Guinness World Record a siam. A hmaa hetiang record lo awm taw chu minute 50 zetin a rawn khum ta a ni.
Poland a cheng, Szpunar, kum 53, hian tuichenna a hak chi kekawrbul bak engmah a inbel lo va, vura an vur hnan lai vela a ha vel a intauh nat loh nan leh vawt lutuk hnuaia awm laia a ha venhim nan mouthguard a hmang bawk a, a bak thildang engmah a hmang lo. A nghawng achin hnuailam zawng chu vurin a khuh chuak vek a ni. Bawm chhunga vurin a khuh vek lai hian a taksa hriselna dinhmun thlithlai reng a ni bawk.
Szpunar hian vawt a tuar thei ve reng reng a, Polish Walrus Championships-ah pawh vur tuia inawm rei siakah darkar li chuang awmin, pahnihna a lo ni tawh a, kekawrbul chauh ha chungin Poland-a tlangsang zual pali, vurin a khuh luk mai te chu a lawn chhuak vek tawh bawk a ni.
Polish-ho hian vawt i an tuar thei riau te pawh a ni ang, hetianga vura invur hnana awm rei thei record hi 2000 atang khan an siam tan a, record siam hmasa ber cu Wim Hof niin, minute 30 a awm thei a, tun hnaia mipa lama record siamtu pali te chu Polish an ni a, hmeichhe lamah pawh hetiang record siamtu hi an nei tawh bawk a ni.
Vura darkar 4 inchhilhin record siam
Get real time updates directly on you device, subscribe now.
Next Post