Rihanna ‘Diamonds’-in diamond certification a hlawh ta

Rihanna hla hit ‘Diamonds’ chuan Recording Industry Association of America (RIAA) diamond certification a dawng ta a, a hla diamond certification dawng thei pathumna a ni. RIAA-in hla emaw album emaw diamond certification a pek te chu US-ah maktaduai 10 an hralh tling tawh entirna a ni a, hetiang certification nei pha hi hla leh album a la tam lo hle a ni.
Rihanna ‘Diamonds’ hi 2012-ah a tihchhuah kha niin, kum 12 chhungin RIAA diamond certification hi a hlawh thei ta a ni. A hla dang Eminem nena an thawh dunna 2010-a a tihchhuah ‘Love the Way You Lie’ leh Calvin Harris a thawhpuina, 2011-a tlangzarh ‘We Found Love’ te pawhin diamond certification hi an lo hlawh tawh bawk a ni.
‘Diamonds’ hi 2012-a a studio album pasarihna ‘Unapologetic’ atanga a lead single a ni a, 2014 Grammy Awards-ah khan best urban contemporary album-ah nominate a ni. He hla hi a vanglaiin Billboard Hot 100 (singles) chart-ah No.1 kaiin, Rihanna hla he chart-a No.1 kai thei 12-na a ni a, kar thum chhung a No.1 thei.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More