Khawvela washing machine tê ber chu an tê mai mai khawp a, mawza pakhat lek pawh kan su thei kher lo vang. He washing machine hi Sebin Saji (India) siam niin 32.5 x 33.6 x 38.7 mm (1.28 x 1.32 x 1.52 in) leka lian a ni a, gram 25 a rit niin, Oreo biscuit pahnih ang vel leka rit a nih chu.
Mahse, he washing machine hian washing machine nihphung ang zawng zawng chu a nei ve vek a, insuk nan pawh a man theih ve thlap a, mahse, a suk theih puan hi a tê deuh e tih mai a ni. A insu thei a, a sawr thei bawk.
Sebin chuan Guinness World Records siamtu zinga tel ve a duh avangin hetiang khawl tê hi a siam ta niin a sawi a, tunah chuan a duhthusam ang ngeiin record bu-ah a hming a chuang ve dawn ta a ni.
Sebin chuan a washing machine hi amah ngeiin a han tivel chhin a, tui a dah theih a, sahbawn telhin, a han tinung ta a, a vir ve vat vat a, a chhin te pawh a nei ve thlap. A khawl hi a insuk theih mai bakah a thil suk te pawh sawr ve thei vek a ni.
Washing machine tê ber
Get real time updates directly on you device, subscribe now.
Prev Post