WCD- PMKSY 2.0 a hmalakna thlirho

Watershed Development Component- Pradhan Mantri Krishi Sinchayee Yojana 2.0 (WCD- PMKSY 2.0) conference chu Nilaini khan Aizawlah neih a ni.
Hmanpuitu Rural Development & Administration minister Prof. Lalnilawma chuan, kumin September thlenga pawhsei PMKSY 2.0 chu tha taka a tawp an khar theihnan officer leh staff-te tan la a, an hmabak PMKSY 3.0 pawh mipui leh ram tana rotling thlentu a nih theihnan uluk lehzuala rilru seng turin a fuih.
Sawrkar hmalakna in rah tha zawk an chhuah theihnan department dangte nena thawhho a pawimawh, tiin, department chhunga scheme hrang hrang an khawih a nih pawhin, sawt zawka hna thawk thei turin department dang nena thawhhona fel taka neih a pawimawh tih a sawi.
PMKSY chu kan ram tui hna tihpunna atan, chhiatrupna thleng thei laka him zawkna atan a pawimawh tih a sawi bawk.
District leh project hoa WDC- PMKSY hnuaiah exhibition neih nghal niin, WDC- PMKSY hmalakna peng pakhat – horticulture development kaltlanga thlai thar, mimal tanpuina dawngten thiamthil an siam chi hrang hrang bakah thlai thar sawngbawl hnua an thil siam pholan a ni.
WDC- PMKSY hian a tuam chin project-ah ram leh leilung luangral tur ven leh humhalh a thawk ber a. Hemi atan hian Natural Resource Management (NRM) kalpui a ni. Major activity zing ami, land development hnuaiah afforestation, horticulture development-a hma lak a ni a; boil & moisture conservation hnuaiah terrace, contour, dunding, checkdam leh wet rice cultivation siam hna leh remchang dang kalpui a ni. Water harvesting structure hnuaiah tuilakna leh dahkhawlna, percolation tank leh farm pond siam thin a ni a. Chumi atan chuan programme /scheme dangte nen kalkawp tir thin a ni bawk.
WDC-PMKSY 2.0 hian springshed development a hrut tel avangin NRM hnuaiah hian springshed development atana pawimawh hrang hrang, Soil & Water Conservation activity nasa lehzuala kalpui a ni a. Recharge zone zirchianna recharge structure hrang hrang siam thin a ni.
Project tuam chin khua amite zingah mi chhumchhia leh hmeithai, eizawnna mumal nei lote eizawnna tur ruahmanna – Livelihood for Assetless leh Production System & & Micro-enterprise a awm bawk a. Hengte hi self help group leh mimal tanpuina anga kalpul a ni. Hmalakna tlangpui chu – ar vulh, vawk vulh, petty trade, handicraft, tinsmithy, blacksmithy, puan thui, thing mistiri hna, ran vulh leh a dang remchangah hma lak a ni a. Village level-a Watershed Committee emaw Gram Sabha emaw kaltlanga thlan thin a ni.