West Bengal in an state CID hotupa thlak

West Bengal in an state CID hotupa thlak
West Bengal sorkar chuan nilaini khan IPS officer R. Rajasekaran chu CID hotu a nihna atangin an sawn a, ADG Training atan a ruat tih senior officer pakhat chuan a sawi.
He thil hi chief minister Mamata Banerjee-i’n an state pum huap insiamthatna lam kalpui a tum thu a sawi hnu rei lotea thleng a ni a, sorkar hnathawkte chu a tuartu langsar an nih hmel hle nia sawi a ni.
May 2022 atanga West Bengal CID-a Additional Director-General (ADG) leh IGP atana ruar Rajasekaran thlaktu tur hi sawi a la ni lo thung.
Chief minister hian November 21 khan CID pumpui chu reshuffle an nih tur thu a puang a, an laka complaint an dawn apiangte chu endik a, hmalak an tum thu a lo sawi tawh a ni.
Bengal sorkar hian an state chhunga officer lawk tak takte chu an thlak kual chho tan a, chief minister chuan a thutiam tihhlawhtlin a tum chho zel niin sorkar mi pawimawh tak takte chu an sawi.