WhatsApp chuan user tena an mesaage an edit theihna turin a siam danglam ta a, he feature hi Telegram leh Signal tena an lo hman tawh ang a chhunzawm vena a ni a.
WhatsApp te chuan message thawnchhuah tawh atanga 15 minutes chhungin edit theihin a awm dawn a ti bawk a.
Instant-messaging service hi US technology giant Meta, Facebook leh Instagram pawh neitute ta tho a ni a.
He feature thar hi hun rei lo te hnuah WhatsApp hmangtu 2 billion chuangte hman theih turin chhawp chhuah a ni dawn a. WhatsApp hi ram khata hmangtu tamna ber chu India niin hmangtu 487 million a nei a ni.
“Spelling tihdik loh siamthatna leh thuziah te tihdik zawk theihna hun remchang siam niin titi te ngaihnawm zawka siam theihna tur a ni,” tiin WhatsApp te chuan an blog post ah an tarlang.
“I tih tur zawng chu i message thawn chhuah tawh kha rei ang reng tak hmehin ‘Edit’ tih a lo lang ang a, minute sawm panga chhunga edit theih a ni ang,” tiin a tarlang bawk a.
Edited message te chu ‘edited’ tiin a lang ang a, chu chu a lo dawngtu tena edit a ni tih an hriat theihna tur a ni a. He feature hi a hmain messaging service dang Telegram leh Signal te chuan an lo kalpui tawh a ni.
Edit function hi kum sawm dawn kalta khan social media platform Faceboook chuan a lo kalpui daih tawh thung a. Khatih lai khan Facebook te chuan an user zahve lawih te chuan mobile phone hmanga an khawih avangin typing lamah tihsual a awlsam vang an ti.
WhatsApp-ah message edit theihin awm
Get real time updates directly on you device, subscribe now.
Prev Post
Next Post