WhatsApp ten feature thar tichhuak

WhatsApp chuan feature thar tichhuak dawnin chu chu group messaging himna zawk tura ngaih a ni a. Instant messaging platform te chuan tu emaw in group i la awm ngailohnaa a add che a nih chuan chu group chanchin context card a hrilh hmasa tawh dawn che a ni.
“Tu nge add che a, group siam hun leh a siamtu te hrilh hriat i ni ang” tiin WhatsApp te chuan an tarlang a.
Hei hi WhatsApp te chuan user tena group a add an nih tharnaah chuan awm tur nge chhuahsan tur an hriat theih nana tih a nih thu sawiin WhatsApp him zawka siamna tur an ti bawk a.
“Tu emaw thian za ho te nen in inhmu a, i contact ah an number i la save si loh ang dinhmunah a tangkai dawn a. Chu group a awm i duh leh duh loh i ngaihtuah phawt theih nan pawh a pawimawh” tiin WhatsApp te chuan an sawi bawk.
Hei feature thar hi WhatsApp tena tun hnaia feature hrang hrang an kalpui unknown caller silent a dah te, chat lock te, in-app privacy check-up te chhunzawm zelna a ni a, WhatsApp him zawka siam tumna kalzel a ni bawk.