July ni 3 atanga khelh tan tur kumin Wimbledon lawmman pawisa fai tihpun niin, prize money an semchhuah tur zawng zawng belhkhawm hi pound maktaduai 44.7 (USD 56.52 million) a tling dawn tih karliamta mai khan All England Lawn Tennis Club (AELTC) chuan a puang a, Championships prize money-in record thar a siam rualin, lawmman punna hi 11.2% lai a ni.
Men’s and women’s singles final-a chak leh pahnihna ve vete prize money dawn tur pawh a pung dawn a, kum 2019 khan mipa leh hmeichhe singles champion ve ve hian pound maktaduai 2.35 dawngin, runners up kutah pound makta-duai 1.175 a lut thung.
Kum 2021 khan mipa leh hmeichhe singles champion-te prize money dawn hi pound maktaduai 1.7-ah tlahniamin, nikum khan pound makta-duai 2-ah an san chho leh a, kuminah an pun leh ta a ni.
Qualifying competition prize fund pawh nikum khan 14.5% zetin an tisang a, first-round match paltlang zo lote’n a tlem berah pound 55,000 dawngin, hei pawh hi nikum khan 10% laiin an san bawk.
AELTC chairman Ian Hewitt chuan kumina player-te tana record prize money an tiam thei lawmawm a tih thu sawi chungin COVID-19 avanga kum liamt alama lawmman a tlakhniam thu a tarlang tel.
Kumin grasscourt grand slam hi July 3-16 chhunga khelh tur a ni.
Wimbledon prize money a pung
Get real time updates directly on you device, subscribe now.