Women & Child Development, Social Welfare & Tribal Affairs department-in International Women’s Day a hman kharna, Nilainia Aizawla neih chu Social Welfare & Tribal Affairs minister Er Lalrinawma chuan a hmanpui.
Minister chuan hmeichhiaten Ni neih an phu hliah hliah tih sawiin, hmeichhiate pawimawh zia chu inzirtir leh inhrilhhriat fo a pawimawh tih a sawi. Hmeichhe pawl hrang hrang leh tlawmngai pawlte inpekna leh thawhrimna chu fakawm a tih thu sawiin, Mizoramah an dinhmun tha chho zelin mi tamtak chawikan ni tawh mah se, tan lak a la ngai nasa tih a sawi a ni.
Hmeichhiate chawikang leh dawmkang tur chuan hmeichhiate kutah a innghat thui hle tih sawiin, “Chhungkua leh khawtlangah hmeichhe zahna inzirtirna tam se, hmeichhe rahbehna a kiam duak a rinawm. Hmeichhe zalenna ram chu ram changkang a ni a, chhungkua leh fanauteah bul tan chuan hmeichhiate zalenna chu chhungkaw tinin an hmuh ngei a rinawm a ni,” a ti.
Kumin International Women’s Day hi sawrkar laipuia Ministry of Women & Child Development chuan kar khat chhung hman turin a ti a. Mizoramah pawh Directorate of Women & Child Development chuan March 1-8 chhung khan programme hrang hrang buatsaihin a hmang a ni.
Women’s Day kharna hmanpui
Get real time updates directly on you device, subscribe now.
Next Post