Hmun hrang hranga an duh ber chu phullem – Robert Romawia

Sawrkarin phullem a phah chu mamawhna vang a ni a, area hrang hranga mipui duh ber chu phullem phah a ni tih Sports & Youth Services minister Robert Romawia Royte chuan a sawi.
Nilainia 1st Bn. MAP Football Ground-a Synthetic Football Turf & RCC Gallery hawnnaah Sports minister chuan, phullem a tam tih sawi thin chu a tak takah chuan mamawhna – demand driven basis avanga siam a ni zawk tiin, “Area hrang hranga an duh ber chu phullem a ni. MLA-te pawhin a fala min hmuh chuan, phullem min dil vek. Tun sawrkarah hian Mizoram sawrkar hmalaknain phullem 30 siam hman kan tum a ni,” a ti.
1st Bn. MAP Football Ground-a phullem an phah theihna scheme, Khelo India angin vantlang hman tur (public utility) a ni a, Armed Veng tan phei chuan a thlawna hman theih tur a ni, tiin, “He khelmual gallery hnuaiah hian in chhawng thum – Mizorama in lian ber, Mizorama in sei ber sak mek a ni,” a ti. Gallery hnuaia inpui awm chu Mizorama a awmchhun a nih a ring tih a sawi bawk.