World Chess Armageddon hnehtu Gukesh
Tunhnai Berlin khuaa chess inelna lian khelh zawh tak World Chess Armageddon Asia & Oceania tournament-ah Indian rawlthar Grandmaster D. Gukesh chuan rinkai lo zawk ni chungin world rapid champion Nodirbek Abdusattorov of Uzbekistan a hneh a, Gukesh leh Abdusattorov hian kumin September thlaa Armageddon Grand Finale hmachhawn turin an dinhmun an siam fel nghal.
Kum 16 mi India rawlthar hian world classical champion hlui Vladimir Kramnik bakah chess khawvela hriat hlawh rual Daniil Dubov, Yangyi Yu (China), Vidit Gujrathi leh Karthikeyan Murali (India ve ve) bakah Param Maghsoodloo (Iran)-te inlanna tournament lianah title a hlawhchhuak thei a, Abdusattorov chauh pawh kha player hraw zingah tel se champion a huphurhawm tho dawn tehlul nen hming hraw kan hmuhte hi a ropuina tizualtu mai an lo ni ta!
Twitter lamah Gukesh hian a hlim em em thu phochhuak nghalin, Armageddon championship series 2023-Asia and Oceania group-a a hun tawn ropui a tih thu a tarchhuak.
World champion hlui Viswanathan Anand pawhin a chipui rawlthar lawmpuina thu phochhuak ve nghalin, a chhuang takzet tih a tweet.
World Chess Armageddon hnehtu Gukesh
Get real time updates directly on you device, subscribe now.