World Cosplay Summit-a India aiawhin Reuben leh Chhuanawma an tel dawn

Khawvela cosplay intihsiakna lian ber te zinga mi World Cosplay Summit 2024 chu September ni 1-5 hian Japan-ah neih a ni dawn a, hetah hian India aiawh turin Mizo tlangval pahnih Reuben Lalchuangkima, Chanmari West leh Lalchhuanawma Siakeng, Model Veng te thlan an ni.
Reuben leh Chhuanawma te hi June ni 1-a India-a cosplay team tha zyal 12 thlan chhuah te inelnaah pakhatna an lo ni tawh bawk a, anni pahnih ma hian 2019 khan Mizo tlangval pahnih Reuben Zorindika leh Dominic te chu World Cosplay Summit-ah hian India aiawin an lo tel bawk.
He championship-ah hian an kut themthiamna leh lemchan thiamna te uluk taka endik thin a ni a, kumin hian ram hrang hrang 35 atangin an tel dawn a ni. Reuben leh Chhuanawma te hi Mizoram Cosplay Organization member niin, kum 10 chuang cosplayer an lo ni tawh a, anmahni hrechiang duh tan Instagram lamah saktaryu tih leh puia_r_naru tiin an indah e.
World Cosplay Summit hi 2003 atang khan Japan-ah neih tan a ni a, ram pakhat atangin ram aiawh tur team khat thlan chhuah thin an ni a, team khatah hian member pahnih zel awmin, an kut themthiamna mai bakah an character cosplay tute chu a original character an pho chhuak reng em tih te endik thin a ni.
World Cosplay Summit-ah hian Reuben leh Chhuanawma te ian Japan anime show lar tak Naruto Shippuden a character Harishrama Senju leh Madara Uchiha lem an chang dawn a, an art leh creativity an entir ve dawn a ni.