South Indian rawlthar kum 18 mi, chess khel thiam lar rawn ni chho ta R. Praggnanandhaa chuan Nilaini khan Norway Chess tournament-ah chess world number one ni mek Magnus Carlsen a hneh.
Indian Grandmaster Praggnanandhaa tan tun kha Carlsen laka classical game hnehna a chan vawikhatna niin, tunhma lamin he format-a vawithum an lo intawn tawhah chak zawk awm loin an inhnehtawk vek a ni.
Inkhel dangah American Hikaru Nakamura chuan Armageddon game-ah Alireza Firouzja of France a hneh a, fourth round lamah Praggnanandhaa a hmachhawn ang.
Stavanger, Norway-a chess tournament lian khelh mekah hian Praggnandhaa farnu R. Vaishali pawh chhuakin, a nuta ang bawka point 5.5 hmu chungin women’s competition lamah hma a hruai ve mek bawk.
World No. 1 Carlsen veltu Indian
Get real time updates directly on you device, subscribe now.
Prev Post
Next Post