World Theatre Day hmang
March 27 khan Aizawlah World Theatre Day hman a ni a. Mizo Drama Society, Department of Mizo and Culture Studies ICFAI University, Department of English ICFAI University leh Department of Mizo Mizoram University tangho buatsaih a ni.
He hun hmanpuitu Art & Culture minister R Lalzirliana chuan theatre huangchhungah a bikin performing art chu Mizo thiam chi tak, kan nuna bet tlat a ni, tiin, chu chu kan zai leh hnam lam hian a tichiang tih a sawi a ni.
Reilote ah lemchan chu eizawnna tlak a nih a la beisei tih sawiin, Mizo Drama Society chu theihtawpa hma la zel turin a fuih. “Mizo drama chhuakthar turte chu hnamzia leh nunphung pho chhuahna lam a tam thei anga zeh tel theih ni thin se a tangkai dawn hle a. Lemchan chu mi rilru hneh tak a nih avangin kan thuziak leh kan chan danah kan fimkhur a pawimawh a ni,” a ti.
World Theatre Day-ah hian Mizo Drama Award 2023 sem nghal niin, award hi Dr Laltluangliana Khiangte hnenah hlan a ni. Dr Laltluangliana Khiangte chuan World Theatre Day thuken chu ‘Theatre and a culture of Peace’ tih a nih thu sawiin, thil mawi (art) chu khawvel pumah vawrhdarh a tum a ni, Mizo thalaite chu thuziak leh lemchanah hma sawn chho zela tan la turin a fuih.
UNESCO chuan 1948 khan International Theatre Institute dinin he pawl hian kum 1962 ah World Theater Day hi a hmang tan.
World Theatre Day hmang
Get real time updates directly on you device, subscribe now.
Prev Post
Next Post