WWE leh UFC insuihfin

WWE leh UFC insuihfin
Wrestling promoters lar WWE leh mixed martial arts franchise hriat hlawh UFC chuan inchhunfin an remti a, pound vaibelchhe 17.3 hu pawl thar TKO brand an din nghal.
WWE hian khawvel ram hrang hrang 180 zetah thlirtu neiin, UFC pawh India hmarchhak kila chengte thlengin kan tuipui pha a ni.
UFC neitute Endea-vour Group Holdings chuan pawl (public tra-ding company) pahnih inchhunfin ta TKO Group Holdings an tihah hian chanpual 51% neiin, WWE share-holder-te’n 49% share an chang ve thung.
He sumdawnna thar kaihruaitu tur Endea-vour chief executive Ari Emanuel chuan an pawl din thar TKO chu khawvel tuamchhuak sports leh entertain-ment lama sulsutu ni reng thin pahnih UFC leh WWE tan bung thar leh mite tana phurna nasa tak thlentu a nih thu sawi chungin chung-khuh thuhmun hnuaia UFC leh WWE inzar-zawm ta chuan khaw-vel pumpuia fan vai-belchhe chuangte tan midang el phak rual loh tawnhriat thar a thlen dawn niin a sawi.
Dana White chu UFC CEO thar niin, Vince McMahon chu TKO executive chairman thar atan ruat a ni bawk.
WWE hian khawvel tuamchhuakin, khawvel hmun tinah fans a nei a; nikum kum tawp lam thleng khan he company kaltlanga social media video tihchhuah chuan thlirtu vaibelchhe 16 chuang a nei a; YouTube subscriber pawh makta-duai 94 dawn nei tlingin, TikTok-ah pawh follo-wer maktaduai 20 chuang a nei tling bawk.
Facebook, Twitter and Instagram lama hmeichhe infiammi fo-llower ngah zual 15 zingah hmeichhe wrest-ler panga telin, he’ng social media-a female athlete zuitu ngah UFC fighter hlui Ronda Rou-sey chuan follower mak-taduai 36.1 a nei tling.