WWE star Michael Jones, a ring name ‘Virgil’, kum 61, chu a Instagram-ah a thih thu an puang a, wrestling refree Mark Charles III pawhin Jone thih thu puangin, “Damdawi inah thlamuang takin a chawl ta,” a ti ve bawk. A thih chhan erawh puan a ni lo nain, 2022 khan Jones hian hriselna lamah harsatna a neih thu an puang a, dementia a neih bakah stroke tum hnih a tawk tawh bawk a ni.
Virgil hi 1987-ah professional wrestling-ah a zuang lut ve tan a, chutih lai chuan Rocky Johnson nen inkawpin an ring name-ah Soul Train Jones niin, AWA Southern Tag Team Championship-ah a vawi khat nan an inlan. Hemi kumah vek hian a ring name atan Virgil tih hi a hmang tan a, WWE-ah Ted ‘Million Dollar Man’ DiBiase bodyguard angin a inlan thin.
Kum thum hnuah a boss chu Million Dollar Championship-ah a rawn cho a, ‘Rowdy’ Roddy Piper nen training neiin, 1991 SummerSlam-ah DiBiase chu a rawn hneh a ta a ni. WWE-ah hian 1994 thleng awmin, a reh vang vang hnuah New World Order (nW0) wrestler Vincent angin 1996-ah a rawn inlan leh a, chumi hnuah Curly Bill, Shane leh Mr. Jones te chu ring name a hmangin a rawn inlan leh, chutah WWE-ah a hming ngai Virgil hmang bawkin a rawn kir leh ta a ni.
WWE star Michael’Virgil’ Jones a thi
Get real time updates directly on you device, subscribe now.
Next Post