Zarkawt BCA in final an lut
March 18, Inrinni zan khan Mizoram Super League (MSL) 8 semi-final thawh hnihna khelh a ni a. Champion lai Zarkawt BCA chuan an khingpui Bungkawn LB Associates an hneh nawn leh a, final an lut.
March 16, Ningani zan khan MSL semi-final thawh-khatnah khelh a ni a. Champion lai Zarkawt BCA hian an khingpui Bungkawn LB Associates hi point 93-68 in an lo hneh tawh a, final an hnaih. BCA hian semi-final thawh khatnaa an hneh tawh Bungkawng LB Associates hi inrinni zan khan point 88-78 in an hneh nawn leh a, final an lut chiang zui ta a ni.
Bungkawn LB Associates an hneh nawn leh tum hian BCA player pawimawh Mathew Sailo chuan point 29 a thawkchhuak a, semi-final thawh hnihnaa point thawk-chhuak hnem ber a ni. BCA tan hian Joseph Allen chuan point 25 a thawkchhuak a, Lalrina Renthlei chuan point 21 a thawkchhuak ve bawk. Bung-kawng LB Associates tan Nunpuia chu point thawk-chhuak hnem ber a ni a. BCA lakah an tlawm nawn leh tum hian point 24 a thawkchhuak.
MSL semi-final lehlamah Khatla TBL leh Mision Veng Hot Shots te an intum ve thung. Anni hian zirtawp zan khan semi-final thawh khatna an khel a. Khatla TBL chuan point 97-66 in Mision Veng Hot Shots an hneh. Mision Veng Hot Shots an hneh tum hian Khatla TBL tan Vanlalthazuala chuan point 31 a thawkchhuak a, hnehna an chan theih nan a thawhhlawk hle.
Zarkawt BCA in final an lut
Get real time updates directly on you device, subscribe now.
Prev Post