Zawhte kah vanga hrem tawk cyclist Tiberi

Professional cyclist Antonio Tiberi chuan silaia San Marino minister zawhte a kah avangin pawisa a chawi.
Kum 21 mi Tiberi hian a air rifle a kah chhinnaah an thenawma San Marino tourism and posts minister Federico Pedini Amati zawhte chu a chala tinin a kap a, court-in Tiberi hi euro 4,000 (USD 4,250; £3,500) chawi turin a hrem a, a team Trek-Segafredo pawhin ni 20 chhung atan an ‘suspend’ ve nghal.
Zawhte neitu Pedini Amati chuan Corriere della Sera newspaper hnenah a zawhte vulh lai chuan midang a tihbuai ngai loh thu sawi chungin, “Hun rei tak kan vulh tawh a, ka fanu kum thum mi hian a ngaina em em a, kan ranvulhte hi min thahsak mai mai tur a ni lo a, euro 4,000 a chawi ta a nih kha,” a ti.