Zemabawk BC leh Chhinga Veng chak lo nawn! Hotshots tlo; TBL lian!

Zemabawk BC leh Chhinga Veng chak lo nawn!
Hotshots tlo; TBL lian!
MSL 11 Hawla Indoor Stadium lama khelh mek chu result beisei loh a thlen chhunzawm leh ta; Big 4 Club zinga mi Zemabawk BC chu tawlh thlu in, Mission Veng Hotshots chuan 84-78 in an hneh.
MSL 11 ah hian khel tha fal an awm a nih ngai chuan he inkhela player of the match atan thlan Ruatkima (16 pts) hming hi hmaih a thiang lo, a teammate Johnson hian champion-pui tham quality a kawl bawk. Chak lo zawk Zemabawk BC tan insiam that vat loh chuan an MSL zinkawng a biboh chho hle dawn.
Inkhel hnuhnung zawkah Khatla TBL an muthlu nawn tawh lova, beiseiawm Chhinga Veng BC lakah 69 – 52 in hnehna an chang. TBL coach Mapuia’n player of the match a thlan tak, Emmanuel-a (13 pts) lakah rinna a nghat lui ngam a – a captain damkawr |hazuala (14pts ) a khel tha takzet bawk.
Chhinga Veng BC pawh an match hmasa pahnih an chak lo ta a, tho chhuak leh turin an head coach Afela tan insiksawi nasat a ngai ta viauin a lang.
Hoops Mania Timeout
Player of the match lawmman atan Mizoram Youth Commission (MYC) hnuaia ‘promotion of reading culture among Mizo youth’ hmalak mekna a, MYC book club te chuan lehkhabu an hlan thin dawn.
Mizo thalaite tan lehkha chhiar pawimawh zia inhrilhhriatna in MSL a luhchilh hi a hlu hle.
Zanina khel turte:

Chanmari BC Vs Hotshots
Tuikual South BC Vs Chhinga Veng