Zirlai hnufualte Board Exam phal sak lotu school hoah hma lak duh
Zirlai hnufualte Board Exam phal
sak lotu school hoah hma lak duh
School thenkhatin an zirlai hnufual deuhte, Board Exam-ah an school hminga exam an phal lo thin chu tih tawp tir turin School Education department hotute hnenah an thlen tih MZP president Dr C Lalremruata chuan a sawi.
Ningania MZP Gen. Hqrs-in kumin atana an Pisapui kharna leh Krismas Urlawk an hmannaah Dr C lalremruata chuan, sawrkar thuneituten Board Exam-ah selection neih an rem tih tawh loh lai a, school thenkhatin Board Exam result tha duh avanga zirna kawnga hnufual zawkte an school hminga exam tir an phal lo thin chu MZP chuan hriatthiam har a ti a, hemi chungchang hi School Education director hnenah hma la turin ziaka thlen a ni tawh tih a sawi
“Zirlai hnufual zawkte pawh zirtirtu qualify ngeiin kum khat chhung an zirtir chung a, zirlaite an la fail thin hi a mak a. Anmahni school hming ngeia an exam theihnan MZP chuan hma a la dawn a ni,” a ti.
Kumina Students’ Aid Fund (SAF) an tlangzarh thei chu lawmawm a tih thu MZP president hian sawiin, Mizo zirlaite tan SAF chu kumthar atangin, Management Committee hnuaiah mumal takin zirlai, an zirnaa chhawmdawl ngaite tan an sem chhuak tan dawn tih a sawi a ni.
MZP Pisapui hi 2026 January 12 atangin an hawng leh tan dawn a ni.